Rosenthaler Kerwe
Er liewe Leid, lossen eich sah, in Rosedhal werd die Kerb widder ausm Grab getrah. Am 13.07.2024 is es endlich soweit, do beginnt unser schäni Kerwezeit. Um 19 Uhr fange mer am Treff zu buddle ah, denno werd im Zelt was fer die Stimmung gedah. Die „Groovin´ Monkeys“ spielen um 20 Uhr im Zelt mächtisch uff un mer machen zamme enner druff. Am Sunndag besucht uns en Pizzawah, die Pizze wern bestimmt wunderbah. Um 14 Uhr fangt de Umzug ah, do werd widder rischdisch uffgetrah. Nochm Umzug hern mer wie immer die Kerweredd un de Kuche bei de Feierwehr macht des ganze komplett. Mondags is es Esse fer eich gerischd, Gyros un Tzatziki werd mittags fer eich uffgedischt. En Ouzo gebts zum Esse ach, dann geht eich de Zatziki-Geruch net so nach. Owends derf kenner mer uff de Bänk hocke, mer dun ab 19 Uhr widder es Zelt rocke. Dienschdags du mer uns um 19 Uhr noch treffe un im Treff zamme esse. Denno du mer die Kerb durch de Ort trage un später begrabe.
Auf Euer Kommen freuen sich die Rosenthaler Kerweborsch und der Rosenthaler Kerweverein.
![](https://www.eisenberg-aktuell.de/wp-content/uploads/sites/7/2024/07/IMG_0904-691x461.jpg)